Perlað með Krafti

Þann 15.desember næstkomandi ætlum við hjá Krafti að safnast saman og perla armböndin sem við ætlum að selja til styrktar félaginu samhliða átakinu okkar sem hefst í janúar. Armböndin eru með áletruninni „Lífið er núna“ og eru litrík og falleg og auðveld í samsetningu svo allir geta tekið þátt.

Armböndin verða öll perluð í sjálfboðavinnu því óskum við eftir að vinir og vandamenn og aðrir velunnarar Krafts taki þátt í þessari skemmtilegu vinnu með okkur.

Sjálboðaliðar geta komið á milli kl. 17 – 22 og ráðið þeim tíma sem þeir perla með okkur. Við munum hafa heitt á könnunni, piparkökur og kósý jólastemmingu.

KOMIÐ OG PERLIÐ MEÐ KRAFTI ♥