NorðanKraftur – Krabbamein á barnamáli

Dagskrá – maí

7.maí kl. 11:30 – 13:00
Hádegisspjall. Boðið verður upp á léttan hádegisverð.

14.maí kl. 12:00 – 13:00
Krabbamein á barnamáli – fræðsla 
Katrín Ösp Jónsdóttir, hjúkrunarfræðingur, ætlar að fjalla um krabbamein á barnamáli og hvernig hún talar við börn sem eru aðstandendur krabbameinsgreindra.
Elín Berglind Skúladóttir segir frá bókinni Líkami minn er veikur en dóttir Elínar, Arndís, greindist með bráðahvítblæði fjögurra ára gömul. Bókin hefur það hlutverk að auðvelda börnum með krabbamein að skilja veruleika sinn.
Hádegisfyrirlesturinn er öllum opinn og hefst kl 12:00 og líkur kl 13:00
Boðið verður upp á nýbakað og ilmbandi brauð frá Bakaríinu við Brúna.

21.maí kl. 17:00 – 18:30
Streymt frá fræðslufyrirlestri Krafts – Hreyfing gefur aukin Kraft
Haukur Guðmundsson, sjúkraþjálfari og íþrótta- og heilsufræðingur (M.Sc, Clinical Cancer Specialist), mun fara yfir gildi hreyfingar fyrir krabbameinsgreinda. Tvær félagskonur Krafts munu einnig fjalla um hvernig útivera og göngur hafa hjálpað þeim til endurhæfingar meðan og eftir veikindin. En þetta eru þær Guðrún Sigríður Ágústsdóttir, sem gekk í grunnbúðir Everest, og Ragnheiður Guðmundsdóttir, sem gekk Jakobsveginn, síðastliðið sumar. Þær eru að fara byrja með gönguhóp fyrir krabbameinsgreinda og aðstandendur – Að klífa brattann – sem verður með reglulegar göngur í vor og sumar.

Hægt er að óska eftir inngöngu í hópinn hér.