Skip to main content
Loading Viðburðir

« All Viðburðir

  • Þessi viðburður er liðinn.
Event Series Event Series: FítonsYoga – byrjendanámskeið

FítonsYoga – byrjendanámskeið

27. febrúar 2019 @ 17:15 - 18:30

Hefur þig langað að prófa jóga en aldrei þorað? Hefur þú reynt að stunda jóga en það hefur aldrei orðið að venju? Eða ertu nú þegar ástfangin/nn af jóga og vilt nýta hvert tækifæri til að stunda það í góðum hópi fólks? Þá er þetta námskeið eitthvað fyrir þig!

Byrjendanámskeið í FítonsYoga er hugsað til að koma þér af stað í jóga á nýju ári, og búa til nýjar venjur. Námskeiðið er hugsað bæði fyrir byrjendur og lengra komna, þar sem allir ættu að finna eitthvað við sitt hæfi. Markmið námskeiðsins er að auka styrk og liðleika, auk þess að læra hugleiðslu og öndunaræfingar. Þó verður mest lagt upp úr því að búa til stund fyrir sjálfa/n þig og að ná góðri slökun í lokin.

Námskeiðið er hugsað fyrir félagsmenn, krabbameinsgreinda og aðstandendur. Eina sem þú þarft ert þú sjálf/ur og föt sem þægilegt er að hreyfa sig í. Dýnur verða á staðnum, en þú mátt að sjálfsögðu mæta með þína eigin. Námskeiðið er félagsmönnum okkar að kostnaðarlausu. 

Pála Margrét kennir námskeiðið, en hún hefur lokið 500 klst. jógakennaranámi í Tælandi. Hún hefur sjálf reynslu af því að komast í gegnum vefjagigt með jóga, og hefur sú reynsla haft áhrif á það hvernig hún kennir jóga.

Frekari upplýsingar veitir Pála Margrét: palamargret@hamingjujoga.is

Upplýsingar

Dagsetning:
27. febrúar 2019
Tímasetning:
17:15 - 18:30
Series:

Viðburðahaldari

Kraftur Stuðningsfélag
Sími
866 9600
View Viðburðahaldari Website