Sími: 866-9600 - Stuðningssími: 866-9618 - Netfang: kraftur@kraftur.org

Íbúðir KÍ

Húsnæði er í boði fyrir fólk utan af landi á meðan á krabbameinsmeðferð stendur.

Íbúðir Krabbameinsfélagsins eru átta og allar staðsettar á Rauðarárstíg 33 í Reykjavík. Þær eru ætlaðar fyrir sjúklinga og aðstandendur meðan á meðferð stendur. Landspítalinn annast rekstur og úthlutun íbúðanna. Leiga fyrir íbúðirnar er 2.200 kr. á sólarhring. Sum verkalýðsfélög greiða fyrir dvöl félagsmanna sinna í íbúðunum. Einnig greiða flest krabbameinsfélög á landsbyggðinnifyrir fólk af sínu félagssvæði. Ef Landspítalinn sendir reikning heim til sjúklings fyrir dvölina í íbúðunum getur viðkomandi farið með reikninginn til krabbameinsfélags í sinni heimabyggð sem aðstoðar við að greiða reikninginn.

Sótt er um afnot af íbúðunum á móttöku Geisladeildar Landspítalans sími 543 6800.

Krabbameinsfélags Ísland á þessar átta íbúðir með öðrum félagasamtökum. (Rauða kross Íslands og Hússjóðs Öryrkjabandalagsins).

Hagnýtar upplýsingar um íbúðirnar:

  • Eign og rekstur. Íbúðirnar eru átta. Sex þeirra eru eign Krabbameinsfélags Íslands og Rauða kross Íslands, ein eign Krabbameinsfélags Íslands og Hússjóðs Öryrkjabandalagsins og ein eign Krabbameinsfélags Íslands. Landspítali annast rekstur íbúðanna.
  • Húsaleiga. Greiða skal 2.200 krónur fyrir hvern dvalardag. Reikningar eru sendir um næstu mánaðamót eftir að dvöl lýkur. Mörg krabbameinsfélög á landsbyggðinni og sumir sjúkrasjóðir stéttarfélaga taka þátt í kostnaðinum.
  • Dvalartími. Hver íbúð er ekki leigð lengur en í átta vikur.
  • Lyklar. Dvalargestur fær tvö sett af lyklum. Ef þeir týnast þarf að hafa samband við móttöku geislameðferðar krabbameina á Landspítalanum við Hringbraut.
  • Reykingar. Stranglega er bannað að reykja í íbúðunum og einnig á svölunum, á göngum og í bílskýli.
  • Dýr. Ekki er heimilt að hafa gæludýr í íbúðunum.
  • Gluggar og kranar. Á kvöldin og þegar íbúð er yfirgefin þarf að ganga tryggilega frá festingum á gluggum og svalahurðum og skrúfa fyrir vatnskrana.
  • Ræsting. Íbúð er þrifin áður en hún er afhent. Dvalargestur og aðstandendur hans eru beðnir að ganga snyrtilega um, taka af rúmum og tæma ísskáp þegar dvöl lýkur.
  • Þvottur. Áður en lyklar eru afhentir hefur verið skipt um á rúmum. Hrein rúmföt, handklæði, diskaþurrkur o.fl. er í skápum. Óhreint lín á að setja í sérstaka poka. Þeir eru teknir á þriðjudögum og komið með hreint í staðinn.
  • Rúm. Gestarúm eru í íbúðunum. Ekki er ætlast til þess að sófar í stofum séu notaðir sem svefnpláss.
  • Símanotkun. Símar í íbúðunum eru ætlaðir fyrir venjuleg innanlandssímtöl. Lokað er fyrir símatorg, farsíma og utanlandssímtöl.
  • Póstur. Í anddyri eru póstkassar, merktir hverri íbúð.
  • Rafmagn. Mikilvægt er að dvalargestir slökkvi á útvarpi, sjónvarpi og ljósum þegar farið er út úr íbúðunum.
  • Skemmdir. Óskað er eftir því að tilkynnt sé við brottför ef leirtau hefur brotnað eða aðrar skemmdir orðið á íbúð eða innanstokksmunum. Einnig þarf að láta vita um það sem laga þarf (perur, vaskar o.s.frv.) Að öllu jöfnu verður dvalargestur ekki látinn greiða fyrir óhöpp sem leiða til tjóns á munum.
  • Upplýsingar. Allar nánari upplýsingar má fá á móttöku geislameðferðar krabbameina á Landspítala við Hringbraut í síma 543 6800 og 543 6801. Utan skrifstofutíma má í neyðartilvikum hringja í síma 543 1800 (öryggisverðir á Landspítala).

Instagram#krafturcancer

© 2017 KRAFTUR - Skilmálar fyrir netverslun
Hannað og kóðað af Vefgerðinni