Sími: 866-9600 - Stuðningssími: 866-9618 - Netfang: kraftur@kraftur.org

Skagamenn perluðu af kappi

Mánudaginn, 2. júlí reyndu Skagamenn og stuðningsmenn ÍA við Perlubikarinn svokallaða en þann bikar hlýtur það sveitafélag eða íþróttafélag sem perlar sem flest armbönd á innan við fjórum tímum til styrktar Krafti. Um 200 manns komu saman í Íþróttahúsinu á Akranesi og perluðu á fullu.

Skagamenn stóðu sig eins og hetjur og perluðu 2041 armbönd og eru nú í þriðja sæti í Perlubikarnum. Sunnlendingar trjóna á toppnum með 2308 perluð armbönd en Akureyringar koma þar fast á eftir með 2302 armbönd. Nokkur íþróttafélög ætla sér enn að reyna við Perlubikarinn en það eru: Fylkir 5. júlí næstkomandi, Breiðablik 8. júlí og svo loks Fram 11. júlí.

Armböndin sem um ræðir eru perluð í fánalitunum og eru með áletruninni „Lífið er núna“ og eru seld til styrktar Krafti. Hægt er að kaupa armböndin á vefsíðu Krafts, í Útilíf, Errea, Jóa Útherja og Ölveri.

Hjálpið okkur að hjálpa öðrum!

Instagram#krafturcancer

© 2017 KRAFTUR - Skilmálar fyrir netverslun
Hannað og kóðað af Vefgerðinni