Sími: 866-9600 - Stuðningssími: 866-9618 - Netfang: kraftur@kraftur.org

Guðrún Jóna

GERUM MEÐAN VIÐ ERUM

Ég heiti Guðrún Jóna Sæmundsdóttir og er 57 ára og rek fyrirtækið Geislatækni ásamt manninum mínum. Ég missti son minn Sigurð Jón úr heilakrabbameini í janúar árið 2016. Ég segi GERUM MEÐAN VIÐ ERUM því þannig tókumst við á við veikindin hans. Við vissum að hann fengi ekki langt líf og því vildum við gera góða og skemmtilega hluti á meðan við vorum saman. Við vissum að þetta væri ólæknandi og erfitt krabbamein og það tók hann á einungis tveimur árum en hann var 31 árs gamall þegar hann lést. Siggi Jón greindist í desember 2013, fjórum dögum síðar fór hann í sína fyrstu heilaskurðaðgerð og var það markmið læknana að koma honum til Tenerife með okkur sem varð að veruleika og eyddum við jólunum þar. Hann hafði líka verið lengi á sjó í Vestmannaeyjum en hætti á sjó árið 2010 og fór þá í viðskiptafræði á Bifröst. En sjórinn heillaði hann alltaf og eftir að hann greindist var t.d. markmið hans að fara á Sjómannadaginn í Vestmannaeyjum og á Þjóðhátíð sem við og gerðum. Á meðan á veikindunum stóð ferðuðumst við mikið til að skapa minningar og gera hlutina saman á meðan við gátum og eru þessar minningar fjársjóðurinn okkar.

Deildu þinni reynslu og þinni mynd því krabbamein kemur öllum við eða deildu minni mynd og sögu #deilduþinnireynslu #krabbameinkemuröllumvið #lífiðernúna

Deildu

Aðrar sögur

Instagram#krafturcancer

© 2017 KRAFTUR - Skilmálar fyrir netverslun
Hannað og kóðað af Vefgerðinni