Sími: 866-9600 - Stuðningssími: 866-9618 - Netfang: kraftur@kraftur.org

FítonsKraftur

FítonsKraftur er á vegum Krafts – Stuðningsfélags fyrir ungt fólk sem greinst hefur með krabbamein og aðstandendur. FítonsKraftur er endurhæfing í formi hreyfingar og útvistar fyrir ungt fólk á aldrinum 18 – 40 ára sem greinst hefur með krabbamein. Hópurinn er einnig hugsaður sem jafningjastuðningur og hvatning fyrir þá sem eru að stíga sín fyrstu skref í endurhæfingu. Lögð er áhersla á að miða æfingarnar að hverjum og einum svo allir geti tekið þátt.

Endurhæfingin felst í reglulegum æfingum og útivist undir handleiðslu Atla Más Sveinsonar íþróttafræðings sérhæfðum í endurhæfingu krabbameinsgreindra.

Æfingar fara fram í Heilsuborg, Faxafeni 14, tvisvar í viku. Æfingarnar eru ýmist í tækjasal eða skipulagðir hóptímar þar sem unnið er með þrek og styrk. Við inngöngu er innifalið stöðumat og viðtal hjá Atla þjálfara.

Æfingarnar eru fjölbreyttar og farnar öðruvísi leiðir í endurhæfingu. Einu sinni í mánuði er fenginn gestakennari eða farið á aðra staði til að kynnast fjölbreyttri hreyfingu. Til dæmis Bootcamp, Mjölnir, Klifurhúsið, spinning svo eitthvað sé nefnt.

Einnig er útivist eða önnur hreyfing sem stunduð er einu sinni í mánuði t.d. fjallgöngur, útihlaup og hjólreiðar.

Æfingar

Æfingarnar fara fram tvisvar í viku í Heilsuborg sem er til húsa Faxafeni 14 (fyrir ofan Bónus).

  • Þriðjudaga kl. 17:30
  • Fimmtudaga kl. 17:30
  • Laugardaga (þriðja hvern laugardag): Útivist eða fjallganga
    • Laugardagur 18.feb: Körfuboltasprell
    • Laugardagur 11.mars: Ólympískar lyftingar
    • Laugardagur 25.mars: Æfing og kynning á 101 Granda
    • Laugardagur 29.apríl: Mjölnir – æfing með Sunnu

Hvað kostar og hvað er innifalið?

Æfingargjöld eru 3.000 kr. fyrir áramót og 4.000 kr. eftir áramót.

Það sem er innifalið er:

  • Stöðumat og viðtal við þjálfara
  • Líkamsræktarkort í Heilsuborg á 50% afslætti
  • Æfingar í Heilsuborg undir handleiðslu þjálfara
  • Gestaæfingar og þjálfarar
  • Útivist og önnur hreyfing
  • Þátttakendur gætu þurft að leggja út kostnað fyrir einhverjum viðburðum en leitast verður við að fá sem bestu mögulegu tilboð þegar það á við

Hópurinn er einnig með Facebookhóp sem heitir FítonsKraftur. Ef þið ýtið hér á linkinn farið þið beint inn á hópinn.

Þjálfarinn

Atli þjálfari svarar öllum fyrirspurnum með glöðu geði í síma 663-2252. Nánari upplýsingar um Atla má finna hér

Styrktar – og samstarfsaðilar

Skrá mig í Fítonskraft

Instagram#krafturcancer

© 2017 KRAFTUR
Hannað og kóðað af Vefgerðinni