Hafa samband STYRKJA KRAFT Karfan er tóm

LífsKraftur

Hvað er hormónameðferð?

Nokkrar tegundir krabbameina eru næmar fyrir kven- eða karlhormónum. Í þeim tilfellum er beitt svokallaðri hormónameðferð. Þá fær sjúklingur ákveðin andhormón til að hægja á hormónaframleiðslu og þar með svelta krabbameinsfrumurnar.

Favorite

Þetta gæti gagnast þér

Mig langar að benda læknum á að hringja aldrei á föstudegi með fréttir af rannsóknum sem þeir ætla svo að ræða nánar við mann eftir helgina. Sú helgi getur reynst ansi löng

33 ára eiginmaður konu sem greindist með eggjastokkakrabbamein.

Flokkur

Meðferðir og spítalalífið

Merkingar

hormónameðferð krabbameinsmeðferðir meðferð gegn krabbameinum

Finnur þú ekki það sem þú ert að leita að?

Messenger Senda okkur spurningu

Finnur þú ekki það sem þú ert að leita að?

Senda okkur póst Messenger Senda okkur spurningu

Fáðu LífsKraft sendan heim

LífsKraftur er handbók fyrir fólk sem greinst hefur með krabbamein og aðstandendur

Bókin er þér að kostnaðarlausu en þú þarft að greiða sendingarkostnað

Panta úr vefverslun

Instagram#krafturcancer

LOKSINS nýr þáttur kominn í loftið í podcast

LOKSINS nýr þáttur kominn í loftið í podcasti Krafts - Fokk ég er með krabbamein 🎧

Agnes Smáradóttir krabbameinslæknir kíkti til okkar í heimsókn og sagði okkur frá sínum dagsdaglegu störfum og þeim áskorunum sem hún stendur oft frammi fyrir.
Þátturinn er kominn inn á Spotify og allar helstu hlaðvarpsveitur.
Líka link í bio 👈

#fokkégermeðkrabbamein #podcast #hlaðvarp #lífiðernúna #krabbameinslæknirinn #kraftur

Bakvið tjöldin við gerð heimildamyndarinnar Lífið er núna - sem sýnd verður á RÚV í kvöld kl. 20:30.
Myndin var gerð í tilefni af 20 ára afmæli Krafts á síðasta ári og sýnir hvernig félagið hefur verið til staðar fyrir ungt fólk sem greinst hefur með krabbamein og aðstandendur í gegnum tíðina.
Ekki láta þetta fram hjá þér fara👏👏 Myndin er framleidd af @falcor.is, Laila markaðsstofa @lailasaeunn og Krafti.
Aðalstyrktaraðili myndarinnar er Atlantsolía og sérstakar þakkir fær RÚV @ruvgram
#lífiðernúna #kraftur #heimildarmyndinlífiðernúna #ungtfólkogkrabbamein

Við þökkum stjórnar- og starfsfólki fyrir að

Við þökkum stjórnar- og starfsfólki fyrir að leyfa okkur að skyggnast inn í þeirra líf.
Það er alveg á hreinu að Kraftur ber nafn með renntu með alla þessa snillinga og eldhuga innanborðs! Takk fyrir að leggja ykkar af mörkum fyrir málstaðinn og setja ykkar krafta í félagið 🧡
#fólkiðábakviðkraft #bakviðtjöldin #lífiðernúna #kraftur

Fólkið á bakvið Kraft 🧡 Anna María Miloz -

Fólkið á bakvið Kraft 🧡
Anna María Miloz - varastjórn “Anna heiti ég og er það lánsöm að sitja í stjórn Krafts. Leið mín inn í félagið var þegar ég greindist með non-hodgkins eitilfrumukrabbamein 34 ára og dóttir mín þá einungis 10 mánaða. Í mínu meðferðar - og endurhæfingarferli leitaði ég til Krafts og hjálpaði það mér mikið og þegar mér bauðst tækifærið að gefa kost á mér í stjórn Krafts þurfti ég ekki að hugsa mig lengi um. Ég sjálf er af pólskum uppruna og því er það mér mikið hjartans mál að allir sem eru af erlendum uppruna eigi greiða leið inn í félagið og fá þennan mikilvæga stuðning. Við hjá Krafti viljum hjálpa öllum í þessari erfuðu baráttu og tekur félagið vel á móti öllum.” @miloszam
#fólkiðábakviðkraft #bakviðtjöldin #lífiðernúna #kraftur

Fólkið a bak við Kraft - Hrefna Viðburðar- og

Fólkið a bak við Kraft - Hrefna Viðburðar- og fjáröflunarfulltrúi Krafts verður með instastory í dag.
"Hrefna heiti ég og er 36 að verða 37 ára og bý í Breiðholtinu, en fædd og uppalin í Kópavoginum. Ég startaði lífinu snemma og eignaðist mitt fyrsta barn og byrjaði að búa, 17 ára og á því eitt stykki 19 ára yndislega stúlku. Auk þess á ég einn dreng ásamt tveimur bónusdrengjum sem ég eignaðist þegar ég kynntist núverandi manninum mínum fyrir að verða 6 árum. Ég er svo heppin að fá að starfa fyrir Kraft og finnst mér það vera forréttindi, en áður en ég byrjaði hjá Krafti starfaði ég í bæði leik- og grunnskóla víðsvegar um Suðurnes og í höfuðborginni. Mér tókst að klára menntaskóla eftir að ég eignaðist stelpuna mína og keyrði mig í gegnum háskóla til að ná mér í Bs gráðu í sálfræði, sem mér tókst að lokum 2013. En háskólanám og fullvinna með, tók sinn toll á heilsunni og eftir 17 ára starf í leik- og grunnskóla tók ég þá ákvörðun um að fara í veikindaleyfi. Í veikindaleyfinu datt ég inn í starfið hjá Krafti og endaði að lokum í fullu starfi þar. Ég elska að vera úti í náttúrunni og reyni að fara daglega í göngutúra um fallega náttúru í kringum höfuðborgarsvæðið og er líka mikill handavinnu unnandi. Mín reynsla af krabbameini er bæði góð og slæm. Margir í minni fjölskyldu hafa greinst með krabba, en erfiðasta verkefnið féll í hendurnar á bróðir mínum, en hann greindist með 4 stigs ristilkrabbamein aðeins 25 ára gamall. Hann barðist hetjulega í 7 ár, en hann lést 27.júní 2019. Að horfa upp á litla bróður minn takast á við þetta verkefni með sínu æðruleysi og jákvæðni breytti lífi mínu. Ég fór að taka betur eftir litlu hlutunum og hversu mikilvægt það er að hlúa að sjálfum sér og sínu nánustu. Þetta verkefni fjölskyldunnar hefur þjappað okkur saman og eigum við margar yndislegar minningar frá okkar tíma saman, en yndislegasta af þessu öllu er að hann náði að verða pabbi þegar dóttir hans fæddist tæpu ári áður en hann kvaddi okkur. Lífið er núna er eitthvað sem allir ættu að tileinka sér því við vitum aldrei hvað gerist á morgun. Við þurfum að stoppa og njóta, til að skapa minningar með þeim sem við elskum."
#fólkiðábakviðkraft #bakviðtjöldin #kraftur #lífiðernúna

Fólkið á bak við Kraft - Þorri sálfræðingu

Fólkið á bak við Kraft - Þorri sálfræðingur Krafts. "Ég heiti Þorri Snæbjörnsson og er sálfræðingur Krafts, ásamt því að hafa umsjón með stuðningsnetinu. Ég er 32 ára, tveggja barna faðir. Árið 2011 útskrifaðist ég með B.S. í sálfræði frá HÍ. Eftir námið fór ég, ásamt kærustunni minni, í 9 mánaða heimsreisu. Eftir að við komum heim bætti ég við mig diplómu í afbrotafræði og vann sem stuðningsfulltrúi á endurhæfingargeðdeild. 2014 byrjaði ég síðan í Mastersnámi í klínínskri sálfræði og útskrifaðist 2016. Eftir stutt stopp sem stuðningsfulltrúi á annari geðdeild sá ég starfið hjá Krafti auglýst. Ég þurfti ekki að hugsa mig lengi um áður en ég ákvað að sækja um stöðuna þar sem að rétt áður en við fórum í heimsreisuna fær pabbi minn krabbamein. Hann fékk æxli í lærið sem var fjarðlægt með skurðaðgerð. Hins vegar greinist hann aftur á meðan við erum úti og fer þá í lyfjameðferð og geisla. Fyrsta stopp okkar eftir að við lentum á Íslandi var á Landspítalanum þar sem krabbameinslæknirinn hans segir okkur að þeir geti ekki gert mikið meira fyrir hann og að hann ætti ekki mikið eftir. Hann deyr síðan nokkrum mánuðum seinna eftir erfiða baráttu. Í öllu þessu ferli fannst okkur vanta stuðning fyrir okkur, okkur fannst hann a.m.k. ekki nógu sýnilegur. Ég leit á það að starfa með Krafti sem tækifæri fyrir mig til þess að reyna að breyta þessu og gera mitt besta til þess að styðja við aðra í svipuðum aðstæðum. Ég hef mjög gaman af því að ferðast og reyni að gera eins mikið af því og ég get, bæði innanlands og erlendis. Þegar ég var yngri eyddi ég líklega meiri tíma í íþróttahúsinu heldur en heima hjá mér og hefur fótbolti alltaf verið í miklu uppáhaldi hjá mér. Ég sprikla enn þá tvisvar til þrisvar í viku og horfi mikið á fótbolta. Tónlist hefur líka alltaf verið eitt af mínum stærstu áhugamálum og finnst mér fátt skemmtilegra en að fara á tónleika. Fyrir mér merkir „Lífið er núna“ að það mikilvægasta af öllu er að njóta líðandi stundar en vera ekki að velta sér upp úr því sem er liðið eða bíða eftir einhverju sem mögulega verður, því lífið getur alltaf tekið u-beygju og okkur ber að njóta þess á meðan við getum." #fólkiðábakviðkraft #bakviðtjöldin #kraftur #lífiðernúna

Fólkið á bakvið Kraft - Ragnheiður @raggagudm

Fólkið á bakvið Kraft - Ragnheiður @raggagudmund ritari stjórnar og umsjónarmaður gönguhópsins að klífa brattann Ragnheiður verður með instastory í dag og leyfir okkur að fylgjast með degi í hennar lífi. 🧡 "Ég heiti Ragnheiður Guðmundsdóttir, er 37 ára og ritari í stjórn Krafts. Ég bauð mig fram í stjórn því ég vildi gefa til baka allt það sem Kraftur hefur gefið mér í gegnum mína baráttu við krabbameinið og þann stuðning sem félagið hefur veitt mér á minni vegferð aftur út í samfélagið eftir veikindi.
Ég greindist með ótilgreint krabbamein á fjórðastigi í Janúar 2016. Í kjölfarið fór ég í tvær tilraunakenndar lyfjameðferðir, en seinni meðferðin bar loks árangur. Í febrúar 2017 fór ég svo í skurðaðgerð þar sem æxli voru fjarlægð úr lífhimnu og lifur. Ég er búin að vera laus við meinið síðan. Áður en ég veiktist hafði ég menntað mig í innanhúshönnun en starfaði mest við ferðaþjónustu. Eftir veikindin ákvað ég að fara í nám mér til endurhæfingar og valdi það að læra stjórnmálafræði í Háskóla Íslands. Ég fann það að ég vildi breyta um starfsvetfang þar sem ferðaþjónustan er mjög streituvaldandi. Ég hef mikinn áhuga á skáldskap og bókmenntum og ákvað að taka ritlist sem aukagrein. Mér til mikilla ánægju hef ég algjörlega fundið mig þar, enda hef ég ómælda ánægju af því að skrifa. Ég er nú að vinna að ljóðabók, skáldsögu og kvikmyndahandriti, einnig sem ég hef tekið að mér verktakavinnu sem blaðamaður. Fyrir utan starf mitt sem ritari í stjórn, þá hef ég unnið í ritstjórn Krafts sem hefur séð um útgáfu Krafts blaðsins og Lífskrafts bókarinnar.
Einnig held ég utan um gönguhóp Krafts sem kallast Að klífa brattann en ég er einnig lærður leiðsögumaður. Hópurinn er hugsaður fyrir þá sem vilja stunda útivist en treysta sér ekki í mjög krefjandi hreyfingu en í hópnum mæta þeir einstaklingar fullri virðingu og skilningi á þeim líkamlegu takmörkunum sem krabbamein og lyfjameðferð setur fólki.
Lífið er núna, því við getum aldrei gengið að morgundeginum vísum."
#fólkiðábakviðkraft #bakviðtjöldin #kraftur #lífiðernúna

Fólkið á bak við Kraft - Elín Sandra @elinsk

Fólkið á bak við Kraft - Elín Sandra @elinskula - formaður Krafts 🧡 “Ég heiti Elín, ég er viðskiptafræðingur og starfa fyrir Seðlabanka Íslands. Ég hef jafnframt farið í gegnum meistaranám í íþrótta- og heilsufræðum og hef lengi starfað við þjálfun samhliða dagvinnunni minni. Ég er gift og á þrjú börn. Ég hef mikinn áhuga á jóga, stunda jóga, kenni jóga og reyni að koma jóga að í hinu daglega amstri. Ég er grænkeri og nýt mín hvað best í eldhúsinu.
Ég er umhverfissinni og ég elska að ferðast. Ég vann einu sinni á skemmtiferðarskipi svo ég hef ferðast víða. Skemmtilegast hefur mér fundist að ferðast um Austurlönd nær, ég fór nokkru sinnum til Sýrlands fyrir stríð og það er mitt uppáhalds land. Nokkrum dögum áður en ég greindist með krabbamein hélt hópur Sýrlendinga kvöldverðarboð til styrktar Krafti. Þau vildu leggja sitt af mörkunum til íslensks samfélags. Ég man hvað ég var hissa að þau hafi valið að styrkja Kraft í stað þess að styðja við sitt eigið fólk. Þessir sýrlensku Íslendingar kenndu mér mikið um náungakærleik og ég tek mér þau til fyrirmyndar.
En ég er sem sagt krabbameinsgreind og greindist í apríl 2017 með brjóstakrabbamein. Ég fór í lyfjameðferð og tvöfalt brjóstnám. Meðferðin gekk vel og ég er þakklát fyrir það sem krabbameinið kenndi mér, þó ég sé síður en svo þakklát fyrir að hafa fengið krabbamein. Lífið eftir krabbameinsgreiningu verður aldrei eins og það var og það hefur komið mér á óvart hvað áskoranirnar eru margar að lifa lífinu eftir að meðferðinni er lokið. Ég valdi að fara í brjóstauppbyggingu og það fylgja því töluverðar áskoranir og svo er ég á, og verð á, hormónabælandi meðferð næstu árin.
Ég er formaður Krafts og mitt hlutverk er fyrst og fremst að sjá til þess stjórn félagsins sé öflug og starfi með lýðræðislegum hætti. Það besta við starfið er að fá að fylgjast með öllu því góða fólki sem kemur að félaginu með einum eða öðrum hætti. Ásamt því að fylgjast með öllu því góða sem fólk leggur á sig fyrir félagsmenn okkar.” #fólkiðábakviðkraft #bakviðtjöldin #kraftur #lífiðernúna

© 2017 KRAFTUR - Skilmálar fyrir netverslun

Hannað og kóðað af Vefgerðinni